بعد ما اطمن رامز جلال علي فيلمه الجديد " غش الزوجية" بدأ يصور برنامجه الجديد اللي هيتعرض علي شاشة الحياة في رمضان الجاي وهيكون اسمه "المقلب" واللي بيعتمد على ان الضيف يتعرض لمقلب مرعب مع وجود الكاميرا الخفية... وآخر ضحايا برنامج المقلب كانت الفنانة اللبنانية سيرين عبد النور وجوزها فريد رحمة اللي سافروا لمصر بعد ما تم اقناعهم بتصوير حلقة مع الفنان عزت ابو عوف، إلا ان فريق عمل البرنامج حضر مقلب لسيرين وجوزها في الغردقة وده لما كانوا بينتقلوا من الفندق لمكان تصوير الحلقة في الغردقة وكانت الكاميرا الخفية بانتظارهم في الطريق في الوقت اللي اعترض فيه مجموعة من "البلطجية" الطريق علي سيرين وجوزها وده اتسبب في انهيار "سيرين" قدام تهديد البلطجية واستمرت معاناة سيرين وجوزها من الموقف الصعب لفترة من الوقت لغاية ماظهر رامز جلال وقال ليهم ان اللي حصل كان مجرد مقلب اتعرضوا ليه.