• facebook
  • twitter
  • youtube
  • instagram
  • google plus
  • جوليان مور و عباس كياروستامي فى مهرجان أبوظبي السينمائي

    كتبَ / سمر العباسي
    الثلاثاء 02 نوفمبر 2010 9:51 صباحاً

    يحمل لنا مهرجان أبوظبي السينمائي في يومه الخامس (18 أكتوبر) حضور مميزا لشخصيتيتن سينمائيتين استثنائيتين وهما المخرج الإيراني الكبير عباس كياروستامي اللي حضر لتقديم فيلمه "نسخة مصدقة" في عرضه الأول في الشرق الأوسط ، وجوليان مور اللى هتتكلم مع جمهورها قي لقاء حواري قبل العرض الاحتفالي لفيلمها "دعني أدخل" .

    "نسخة مصدقة"اللي هيقدم عرضه الاحتفالي انهارده بليل في قصر الإمارات،  هو فيلم الأول ل كياروستامي اللي صوره برا إيران من بطولة النجمة الفرنسية جولييت بينوش وهو الدور اللى  حازت فيه على جايزة أفضل ممثلة في مهرجان كان السينمائي السنة دي، بتلعب بينوش في الفيلم دور امرأة فرنسية عندها صالة عرض فنية في توسكانة الايطالية وهتقابل كاتب انجليزي جه لتوسكانة عشان يروج لكتابه .لكن هيتحول لقاؤهم لحالة استثنائية تعكس طبيعة العلاقة بين الرجل والمرأة.

    اما عن فيلم مات ريفيز"دعني أدخل" اللى هيتقدم كعرض أول في الشرق الأوسط فبيدخل بينا لعالم مصاصين الدماء وبدور حكايته عن صداقة بتنشأ بين صبي وحيد ومصاصة دماء مراهقة في بلد أمريكية صغيرة فى عهد رونالد ريغن، و الفيلم بيوضحلنا تفاصيل العلاقة اللى بنشوف من خلالها  المشهد السياسي والاجتماعي زي الاضطهاد والعنف المتطرف فى الوقت ده.

    واشارت جريدة الانباء الكويتية انه ضمن المسابقة الرسمية للأفلام الروائية الطويلة هيتعرض فيلم "الأنيميشن" المنتظر بقوة "تشيكو وريتا" لمخرجيه التلاتة فيرناندو ترويبا، خافيير ماريسكال،و تونو إيراندو، ليأخذنا في قصة حب جارفة بتقع أحداثها إبان الثورة الكوبية ليعرض لينا صورة رائعة لهافانا القديمة و بيتقدم فيه تحية لموسيقى الجاز في القرن العشرين فى إطار تحريكي موسيقي ساحر ليكون وثيقة عن الموسيقى والتاريخ والحب.

    وكمان هيتعرض ضمن مسابقة الأفلام الروائية الطويلة الفيلم الدنماركي "في عالم أفضل" لسوزان بير، والفيلم التشيلي "حياة السمك" لماتياس بيزيه في عرضهم الأول في الشرق الأوسط.

    أما ضمن مسابقة (آفاق جديدة) فهيتقدم العرض العالمي الأول للفيلم المصري "داخل/خارج الغرفة" للمخرجة دينا حمزة واللى بيثير تساؤل كبير عن التناقضات اللي بيحملها شخص بيقتضي عمله إنهاء حياة الآخرين مُتجسد فى الشخصية المصرية المشهوره "عشماوي" أو منفذ الاعدام المحترف داخل الغرفة و بيتناول الفيلم جوانب تانيه من حياته  كزوج وأب خارج غرفة الاعدام.

    وضمن المسابقة نفسها هيتقدم العرض الدولي الأول للفيلم السوري "مرة أخرى" لجود سعيد وبيحكي قصة ابن ضابط سوري بيفقد ذاكرته في لبنان بسبب تبادل إطلاق النار وقت التواجد العسكري السوري هناك ليواجه الابن اللي بقى شاب ماضيه بعد مرور 25 سنة ، وبيكشف الفيلم السخف المتأصل في إصرارا الإنسان على عدم التعلم من ماضيه.

    وفي عرض دولي أول هيتعرض انهارده الفيلم الأمريكي "بيل كانينغهام نيويورك" لريتشارد برس وبيحكي قصة عجوز في الثمانينات من عمره بيتجول على دراجته الهوائية فى شوارع مانهاتن و معه كاميرا لالتقاط  صور لخطوط الموضة الصاعدة اللي بيكتب عنها في عمود أسبوعي، ولكنه بيعيش حياة مختلفه جدا  بأسلوب بعيد كل البعد عن العالم المترف اللي كرس نفسه لتمثيله.

     وفى نفس المسابقة هيتعرض الفيلم الإيراني "غيشير" أول أفلام المخرج وحيد وكيليفار وبيحكي قصة الكفاح وروح الأخوة اللي بيعيشها عمال مهاجرين على ساحل الخليج في إيران.

    من مسابقة الأفلام الوثائقية هيتعرض للأول مره الفيلم اللبناني – الإماراتي "بحبك يا وحش" لمحمد سويد والعرض العالمي الأول في الشرق الاوسط لفيلم "ساري زهري" للمخرجة كيم لونغينوتو. ويتناول الأول  حلاوة التغلب على قسوة الحياة اليومية ومرارتها من خلال أشخاص عاديين بيعيشوا على أطراف المجتمع والاقتصاد غير الرسمي.

    والفيلم التاني هو المشروع الرئيسي للمخرجة كيم لونغينوتو اللى بتوصف فيه مشكلة المرأة في ظروف التمييز والقمع من خلال حكاية مجموعة نساء من ضحايا القهر الاجتماعي بيسعوا من أجل حقوق المرأة، نقطته الجوهرية هو ان التحررعمل بيتطلب أفراد متهورين بما فيه الكفايه لتحدي السائد المستقر.

    بيواصل برنامج "ما الذي نرتكبه بحق كوكبنا؟" عروضه من خلال الفيلم المكسيكي "إلى البحر (ألَمار)"  للمخرج بيدرو غونزاليس اللى بيكشف عبره الروابط العميقة اللى بيتشاركها البشر مع بعضهم ومع الطبيعة. بالإضافة لعروض الأفلام المشاركة في مسابقة الإمارات، وعرض فيلمين من أفلام برنامج "خرائط الذات" هما "اليازرلي" لقيس الزبيدي و"يد إلهية" لإيليا سليمان.

    هتتواصل الفعاليات المفتوحة للجمهور من خلال جلسة تعليمية تفاعلية مع المخرج التونسي نوري بوزيد اللى بيكتشف وبيتحدى ركود صناعة السينما التقليدية في خيمة المهرجان، اللي هتكون فيه الجلسة الحوارية المشتركة عن مسابقة الأفلام القصيرة ومسابقة الإمارات واللي هيتقابل فيها صناع الأفلام القصيرة والمهتمين بيها محليا وعالميا.


    اقرا ايضا :
    طلعت زكريا :خالد البرادعي أبوالنجا مش وطني وعميل
    بالفيديو..تامر امين يهاجم برنامج فيفى عبده الجديد
    بالفيديو..فيلم Penguins of Madagascar بسينمات مصر غدا
    دينا لــ "اثار الحكيم" : انا مبقتش صغيرة وهرد عليكي
    بالصور..راند البحيرى فى جلسه تصوير ترتدى فيها "فستان اصفر"مثير
    بالفيديو..صباح : لا أخاف من الموت وشبعت من الدنيا وأحبها
    بالصور..خالد الصاوى يحتفل بعيد ميلاده من داخل المستشفى



  • الاخبار المتعلقة
  • النهارده السبت هيبدأ عرض كليب اغنية "مالك خايفة ليه" للفنان محمد..
    اعتقلت شرطة نيو أورلينز (لويزيانا، جنوب) الممثل البريطاني راسل براند و..
    بعد تألقها فى احتفالات هلا فبراير التى شاركت فى افتتاحه..
    شيع جثمان الفنان الراحل يوسف عيد منذ قليل، من مسجد السلام،..
    النجم أنطونيو بانديراس وقف مستني الرئيس الأمريكى أوباما اللى وافق انه..
  • الأكثر مشاهدة
  • نشرت النجمة اللبنانية إليسا صورا من كواليس أحدث..
    نشرت الفنانة المصرية بعض الصور لها من لندن،..
    انغام ولطيفه ورامى صبرى فى عزاء ايهم..
    ظهرت النجمة البريطانية ريتا أورا، في حفل توزيع..
    تفاجئ الفنانة المصرية راندا البحيري جمهورها من وقت..